نحتاج للعيد

نحتاج للعيد يجمعنا ونفرح به

ولا أنت يابهجته بالذات يحتاجك

لأنك غلاه وحلاه ونفسه الرحبه

جمعت كل الفضايل داخل اسياجك

باقولها لك صراحه دون ما أشبه

ما كل منهو متوج يمتلك تاجك

أحب طاري العلوم السنعه الذربه

وأفهم تواضعك مابا أسبب إحراجك

الله خلق فيك كل ما أحب وأعجب به

سكرت ع القلب ياخلي بمزلاجك

ظميت شخصك وأنا أتمناه وأحلم به

ماكنت أدري بأني صدق محتاجك

أفرح بطاريك وأوقف له وأرحب به

يابهجة العيد في نورك ومنهاجك

نهر الموده يغذي القلب وأشرب به

وأعيش في جنتك وأروى من أفلاجك