لا غاب طيفك وجف الدمع من عيني
مات بفوادي غلا لك كم حسّيتـــــــــه
خلاص أبعــد دخيلــــك لا تشقينـــــي
جرحــت قـلــبٍ تعلــق بك وذلّيتــــــه

عشَمتنــي بالوفـى والحـــب و الزيني
يا وعــدك اللي لنا مــا يوم وفيّتــــــه
تـدري وش الي كسرته بالغــدر فيني
سنين حــبٍ من البنيــان هدّيتــــــــــه

أوهـــام كانت دموعــك يــوم تغلينـي
منت الحبيب الذي بالقلب ضمّيتــــــه
لاجـــات يومٍ عيونــك في نظر عيني
لاتسأل اللحظ وين الشـــوق خلّيتـــــه

أتردنــي شيمـــة أهلي مــــا تخلينـــي
أتبــع دروبـك ودرب الـعــز دلّيتـــــه
بيجيــــك وقـــتٍ تذكرنــي وتبكينـــي
ما يفيد دمــعٍ عــلى مــاراح وأنهيتــه