يافتنة عيوني فقلبي محبتك

في ضامري ود هتف لك وناداك

تعال اسكن والحنايا محلتك

تعال بخيولك وحتى رعاياك

بملكك عرش يليق بمعزتك

بانفرش الجوري على طول ممشاك

بانغزل خيوط الوفا في مودتك

بانلبس وشاح السعاده بنجواك

يانادر الجوهر بزينك وصفوتك

سبحان من صور جمالك وسواك

انته جموح الخيل عزك وهيبتك

وانته الاصيل اللي على الطيب ذكراك

وانته النهراللي سقتني محبتك

وانته القمر اللي منور لي ضياك

لرضى عيونك ياحبيبي ورفجتك

لبقى رهين (ن) لاجي داخل حماك