بـــاسم الــذي أشعلنا شمس الأشراق
ربٍ كـــريمٍ راحـــمٍ كـــل مخـــلوق
جيـــلٍ نظمته مـــاحداني لـها اشفاق
ولاهز قلبــي للشعــر جـادح الشوق

مثايــلٍ هاضت مــن اليــوف تنساق
من ليعتٍ في ظامري تطرق العوق
أتثيريني وأنــا أحتمـــالي بها ضاق
عنــلا تباديها علــى الوجه مسبوق

مثــل القـواقع هاجها جرح لاعماق
تفــرز وقايا مـن صفا الدر منسوق
تحمــي جــروحٍ مــن أثر حد شقاق
ليـن أسفرت من غالي الدر مرموق

أدلـــه مـــع الأيــــام والوقت ينساق
ولاّ خفـــوقي عـنـــد غاليــه موثوق
يـــاليت قلبـــي لـــه جنــاحين خفاق
ويـــالتني مــن هاجس الفكر معتوق

ذبيـــت مـــرقابٍ بــه الهين لاطلاق
خــزايز الخلفات مـــن صفوة النوق
يــرعن مطاييحٍ حوَت جمع الأرناق
مـــزخر شيّرها من منابيت لـعروق

قـــرت بــهن عيني وقلبي لهن راق
وخـذت لي جانت على الند من فوق
عيني تــرى بيهن مصاغير وفــراق
ويــا محلا مربـاعهن والــهوى ذوق

فيهــــن ذلــــولٍ أقبلتلــي بـــالوفــاق
صـوبي إنتحت وأنا على فالها أتوق
لــــي دنقت وأنـــا لهــا شفج مشتاق
عــــانقتهـــا بعنــاق ولــهانٍ اشفوق

يــــا مرحبــــا بلـــي له القلب تواق
أحلــى من الغزلان في مرتع النوق
جيتـــج وأنـــا قلبــي تغذيه لاشواق
كـــلٍ حــلاله فـــي نظر عينه يلوق