ما تنتصر بالحب
 

ماتنتصر بالحب من دون حكمه

ماغرني حسن (ن) جذب كل الاعجاب

الحب ماعنده عداله وذمه

شف ايش ودى له وايش اللي جاب

يجري في قلبي مثل شريان دمه

على كثر ما احبه يبادلني عتاب

قلبي اخذ من لوعة الشوق سهمه

يا لين صار من المواليف مرتاب

ماهو بكل اللي يهمك تهمه

لاتتعب احساسك مع كل الاحباب

بعض العرب يستوعب القد فهمه

لاتلوم ضنك فيه لا عود وخاب

يفز قلبي كل ماجابو اسمه

غالي اذا حاضر وغالي اذا غاب

الحر مايوقف سوى فوق قمه

فطره ولاتعطى سوى عند وهاب